FEIJOO E TRABAZO, CAMPIÓNS DE GALICIA DE CICLOCRÓS 2018

Iván Feijoo (Maceda) e Irene  Trabazo (Marin) coroáronse como Campións de Galicia de ciclocrós na carreira disputada na localidade Pontevedresa de Ciclocrós. Saúl López (Maceda) e Lucía Vázquez (Prorebordosa) tamén brillaron na cita autonómica apenas dez días antes da celebración na capital do Lérez do Campionato de España da especialidade.

Organizado polo Club Deportivo  Pinarium e a  FGC, o Campionato de Galicia pechou o ano 2018 outorgando ata un total de 16 títulos no circuíto do hipódromo de  Campañó. Ante a presenza dun numeroso  e animado público, as carreiras resultaron un gran espectáculo deportivo favorecido por un trazado de 2.500 metros apenas castigado polas choivas e que permitiu unhas carreiras moi rápidas e disputadas.

A categoría  sub23 marcou os tempos de carreira da proba reina con Iván Feijoo (Maceda) como gran dominador de principio a fin. Tan só Samuel González (Guerciotti) puido plantar cara ao de Allariz aínda que nas últimas voltas non lle foi posible seguir o seu ritmo. Adrián Barros (Ponteraeas) bastante tivo con defender o seu terceiro posto no podio debido ás molestias que arrastra nas últimas dúas semanas. A elite masculina ha estado dominada por Saúl López (Maceda) que en Pontevedra sumou o terceiro título autonómico da tempada e de toda a súa carreira ao sumar o ciclocrós aos de cros  country e maratón conseguidos no verán. Adrián  Valverde (Rías Baixas) tivo que conformarse coa prata ante o empuxe do monfortino  a quen cedeu o título que lograse o pasado ano. O ciclista que fose gañador de volta a Galicia e Volta a Coruña en 2017, o padróns Martín  Lestido, colgouse o bronce da proba.

Unha aparatosa caída sufrida por Irene  Trabazo (Marin) a piques de custarlle o título á marinense. A pesar de todo, a marxe de recuperación permitiulle remontar posicións rapidamente e facerse coa vitoria pero abandonando o recinto con molestias que se confían non lle afecten de fronte ao próximo Campionato de España. A gañadora da Copa Galicia 2018,  Zaida González (Roseira) e Marta Vila (Xtrembike) secundaron á de Marín no podio. En categoría elite feminina, a Lucía Vázquez (Prorebordosa) valeulle con cobrar unha mínima vantaxe sobre Mª José Gómez (Cambre) para dosificar o seu esforzo e revalidar o seu título como Campioa de Galicia. A veterana Mª Jesús Barros (Spol) foi terceira.

Carlos Canle (Maceda) pola súa banda non tivo problemas e permitiuse dar un auténtico recital para sumar un novo campionato ao seu  palmarés. Canle tardou dúas voltas en desfacerse do seu principal rival, o vigués Jorge Fernández (Ponteareas) que optou por non sacrificar esforzos tentando seguir ao de Xinzo e manter un meritorio subcampeonato no ano do seu debut na categoría  junior. Borja  Lorenzo (Fundación Óscar Pereiro) selou unha tempada na que foi de menos a máis cun meritorio terceiro posto.

Carla Fernández (Meruelo) chegou ao Campionato de Galicia en mellores condicións que os seus rivais e iso notouse na carreira, a viguesa do conxunto cántabro pegouse á roda de Irene  Trabazo na saída e o seu rebufo afastouna do dúo  macedano composto por  Noela  Saa e Andrea García.  Saa, que ao cabo sería subcampioa, estaba afectado dun proceso gripal sufrido nos últimos días e que lle paso factura. Para García, gañadora da Copa Galicia, a tempada está a resultarlle longa e a terceira praza do Campionato é unha proba diso.

Martín González (Maceda) e Laura Capa (Marín) venceron nunha categoría cadete na que o máis destacado foi a caída de Miguel Rodríguez (Ponteareas) a poucos metros da saída quitando toda posibilidade de repetir título a un dos principais favoritos.

Nas categorías de  master, Alejandro  Mesias (Quintena) volveu deixar sen premio a  Andrés  Calvete (Monte  Xalo) en  master 30 mentres Manuel Armada revalidaba o título para o conxunto do  AGC- Cidade de Santiago sumándose ao logrado polo seu compañeiro Juan Belo na pasada tempada. Marcial Rodríguez tamén repetiu título en  master 50 e Manuel González (Bici Ou Con) estreaba o  palmarés do ciclocrós galego na categoría  master 60. A  master 30 Montserrat Martínez (Oiense) e a  master 40, Sonia Costoya (Corbelo) vestiron a últimos camisola do ano como Campioas de Galicia.

O acto oficial de entrega de trofeos e medallas estivo presidido polo Delegado Provincial de Deportes @de la Xunta, Daniel Benavides; a concelleira de deportes do  Concello de Pontevedra,  Anxos  Riveiro, o presidente da  FGC, Juan Carlos Muñiz, e o responsable do club organizador, Pablo  Beis.

 

CAT	CICLISTA	CLUB	BETANZOS
ELITE	Saúl López	Maceda	1º
	Adrián Valverde	Rías Baixas	2º
	Martín Lestido	GD Froiz	3º

 

CAT	CICLISTA	CLUB	BETANZOS
SUB23	Iván Feijoo	Maceda	1º
	Samuel González	Guerciotti	2º
	Adrián Barros	Ponteareas	3º

 

CAT	CICLISTA	CLUB	BETANZOS
ELITE F	Lucía Vázquez	Prorebordosa	1ª
	Mª José Gómez	Cambre	2ª
	Mª Jesús Barros	Spol	3ª

 

CAT	CICLISTA	CLUB	BETANZOS
SUB23 F	Irene Trabazo	Marín	1ª
	Zaida González	O Rosal	2ª
	Marta Vila	Xtrembike	3ª

 

CAT	CICLISTA	CLUB	BETANZOS
JR	Carlos Canal	Maceda	1º
	Jorge Fernández	Ponteareas	2º
	Borja Lorenzo	Fundación	3º

 

CAT	CICLISTA	CLUB	BETANZOS
JR F	Carla Fernández	Meruelo	1ª
	Noela Saa	Maceda	2ª
	Andrea García	Maceda	3ª

 

CAT	CICLISTA	CLUB	BETANZOS
CD	Martín González	Maceda	1º
	Fabián Rodríguez	Caimanes	2º
	Zoe del Río	Marín	3º

 

CAT	CICLISTA	CLUB	BETANZOS
CD F	Laura Capa	Marin	1ª
	Zaira Vila	Coruxo	2ª
	Sonia Domínguez	Marín	3ª

 

CAT	CICLISTA	CLUB	BETANZOS
M3 F	Montserrat Martínez	Oiense	1ª

 

CAT	CICLISTA	CLUB	BETANZOS
M3	Alejandro Mesias	Quintena	1º
	Andrés Calvete	Monte Xalo	2º
	Oscar Vázquez	OVC Bikes	3º

 

CAT	CICLISTA	CLUB	BETANZOS
M4 F	Sonia Costoya	Corbelo	1ª
	Natalia raña	Corbelo	2ª
	Mónica Alarcón	Arcadecycles	3ª

 

CAT	CICLISTA	CLUB	BETANZOS
M4	Manuel Armada	AGC	1º
	Alejandro Trasbach	Racing	2º
	José Antonio Pazos	Chantadino	3º

 

CAT	CICLISTA	CLUB	BETANZOS
M5	Marcial Rodríguez	Quebici	1º
	José Mª Magariños	Condado	2º
	Manuel Castro	Barbanzabike	3º

 

CAT	CICLISTA	CLUB	BETANZOS
	Manuel G. Ojea	Bici o Con	1º
M6	Antonio J. Fernández	Cambre	2º
	José Manuel González	Maceda	3º