Publicado por: Ourense Atletismo
O Sanysec – Ourense Atletismo repite a primeira praza no seu encontro de Primeira División e chegará á rolda final na segunda posición da clasificación.
As mulleres competiron en Durango contra o Bidezábal, o Cornellá e o DELSUR Coop La Palma. A vitoria foi para o Sanysec – Ourense Atletismo con 191.5 puntos, superando con folgura ao DELSUR Coop La Palma (169.5) e ao Cornellá Atlétic (168). Máis descolgado remataría o equipo anfitrión, Bidezábal Durango, con 159.
As vitorias nas diferentes disciplinas chegaron a cargo de Andrea Purica nos 100 lisos con 11.66, Sabela Castelo nos 3.000 lisos con 9:49.22, Daniela Rubio en altura con 1.72, seguida de Iria Solera coa mesma marca pero un nulo nesa altura, Aitana Capeáns en peso con 12.63, Noa López en martelo con 50.88 e Yiset Magali en xavelina con 59.35.
As atletas posiciónanse nun fantástico punto de partida para loitar polo ascenso á División de Honra na terceira e derradeira xornada. As ourensás están en segunda posición con 8 puntos e 408 postos, só por debaixo do Oviedo Atletismo, con 8 puntos e 410 postos. Están seguidas do Atletismo Alcorcón e o UCAM Cartagena con 7 puntos. A última xornada realízase entre oito equipos cunha participante por proba en cada equipo. Ascenden os dous primeiros equipos sumando os puntos totais das tres xornadas, pero dándolle prioridade á última xornada en caso de empate.
Podes consultar os resultados ao completo na seguinte ligazón:
Cto España Clubes 1D Mujeres Liga Iberdrola J2 (III) OURAT-DELSUR-CORN-BIDEZ
La entrada SANYSEC – OURENSE REPITE A PRIMEIRA PRAZA apareció primero en Club Ourense Atletismo.
Enlace con la noticia original: SANYSEC – OURENSE REPITE A PRIMEIRA PRAZA