Publicado por: F.G. Atletismo
Un total de 25 atletas tomarán parte esta fin de semana na disputa dos Campionatos Xunta de Galicia máster que para as modalidades de pentatlón de lanzamentos e de combinadas se estarán celebrando nas pistas viguesas de Balaídos.
Entre a relación de atletas participantes no pentatlon de lanzamentos destaca a presenza de varios dos gañadores da pasada edición levada a cabo en Santiago entre os cales se atopan Manuel Bouzas do At. Millarario na M45, Carlos Alberto Almudí do Celta Atletismo na M50 así como o campión de España de martelo e martelo pesado Xulio Ventín do Atletismo Sada na M60. Por parte feminina Tita Janeiro do Atletismo Sada será outra das participantes que aspire a revalidar o seu título na F45 xunto a Elisabeth Pazo e Marta Sureda do Samertolameu na categoría F50 e F55 respectivamente. A tetramedallista do pasado campionato de España máster María de los Ángeles Rodríguez na F65 do club A Silva completa a relación de gañadoras galegas presentes.
Paralelamente xunto ao campionato de pentatlon de lanzamentos se estará celebrando durante o sábado e domingo ao campionato galego de combinadas que contará ca participación, entre outros, do vixente campión galego M45 Jesús Villaverde do At. Savante, malia que será Pepe Domínguez de A Silva quen parta como favorito nesta categoría.
O artigo Dobre cita autonómica máster en Balaídos para esta fin de semana publicouse primeiro en Federación Galega de Atletismo.
Enlace con la noticia original: Dobre cita autonómica máster en Balaídos para esta fin de semana