Publicado por: S.G.Pontevedra
Esta pasada fin de semana Lugo foi a sede do Campionato Galego de categoría sub16, pero volverá selo en breve, con data por confirmar, posto que a xornada do domingo pola tarde queda adiada debido á alerta climatolóxica que se activou por seguridade.
Igualmente, os nosos atletas deron todo de sí no tempo de competición celebrado, e os resultado non podían ser mellores. No hexatlón, Daniela Baquero fíxose co título de subcampioa galega, sumando 2700 puntos, como tamén fixo o seu compañeiro Iago Gómez no Octatlón, e Paio Estévez, que foi terceiro, subindo xunto a él ó podio.
Destacaron tamén Lena Currás, que foi prata no lanzamento de xavelina e a súa compañeira Lía Vázquez, fíxose co bronce no salto con pértega. Tamén foi bronce o seu compañeiro, Diego Acuña, esta vez no 100 metros lisos.
Un dos nomes destacados da xornada foi o de Mateo Miñán. O marchador sub16 participou o sábado no GP Cantones da Coruña, conseguindo a súa nova mellor marca persoal, agora en 13:40, que lle da o pase ó Campionato de España.
Menos sorte tivo esta vez o noso campión, Dani Chamosa, quen tivo que abandonar a competición pasado o kilómetro 11 debido a unhas molestias musculares.
Parabéns a todos!! Seguimos!
Enlace con la noticia original: Campionato Galego sub16 ·2026·
