Publicado por: Celta Atletismo
Aínda coa resaca da tremenda fin de semana pasada, os atletas célticos prepáranse para dous novas xornadas de competición ao máximo nivel, de pequenos a maiores:
- O mellor do atletismo nacional cítase no Vélodromo Luis Puig de Valencia no Campionato de España Absoluto de Pista Cuberta. Ata a capital do Turia desprazáronse 5 célticos para poñer o broche á súa temporada baixo teito: Nediam Vargas (60, 5ª nas inscritas; sábado 11:00 eliminatorias), Alice Finot (1500,8ª; sábado 18:45 semifinais), Adolfo Sainz-Maza (Heptathlon, 11º; sábado e domingo), Gonzalo Basconcelo (3000, 14º; sábado 20:20 final) e Emma Valencia (60mv, 27º; sábado 17:25 eliminatorias). O campionato poderá seguirse por Teledeporte o sábado dende as 17:30 e toda a xornada do domingo pola mañán.
- Lugo acollerá o sábado -despois de aplazarse polo mal tempo- o Campionato Galego de Lanzamentos de Inverno sub16 e sub18. Alí estarán presentes atletas nas primeiras posicións do ránking nacional como Eric Méndez (martelo 4kg sub16), Irene Gómez e Patricia Correa (martelo 3kg sub18), David García (disco 1kg sub16), Nico García (disco 1’5kg sub18) ou Antía Sestelo (xavelina 500g sub16). Paralelamente vaise celebrar a IV Xornada do Circuito Copa Deputación con numerosa representación céltica.
- Os atletas da nosa Escola tamén estarán terán a súa gran cita en Pobra do Caramiñal co Campionato Galego de Campo a Través de Xogade. Estarán presentes o equipo masculino sub16 e sub12 e Alejandra Prieto como única representante femenina na carreira alevín.
Poderedes seguir os resultados máis destacables a través das nosas redes sociais: Facebook, Twitter e Instagram. Mentres, boa sorte a todos!
Enlace con la noticia original: A previa 16/02: Coa élite en Valencia!