Publicado por: S.G.Pontevedra
A Sociedad Gimnástica de Pontevedra xa puxo data para a súa Asamblea Xeral Ordinaria. Será o venres, 29 de xaneiro no CIFP A Xunqueira. Ás 20:30h comezará a primeira convocatoria e ás 21:00h a segunda.
En principio a reunión é presencial, gardando as distancias de seguridade recomendadas e portando a máscara de cara en todo momento. Porén, estaremos pendentes da evolución da pandemia e das novas medidas que tome o Comité Clínico Autonómico por se hai que decretar que sexa vía online. Neste último caso, a entidade deportiva porase en contacto cos asistentes e facilitarase un ligazón para acceder á reunión.
A Asamblea Xeral Ordinaria terá o seguinte orde do día:
- Lectura e aprobación da acta anterior.
- Informe e memoria deportiva da tempada 2020.
- Memoria, liquidación de orzamento, balance do exercicio, rendición de contas e aprobación, se procede, correspondente a 2020.
- Orzamento para o exercicio 2021.
- Nomeamento dos clubs filiais.
- Distincións.
- Rogos e preguntas.
La entrada A Sociedad Gimnástica de Pontevedra convoca a súa Asamblea Xeral Ordinaria para o venres 29 aparece primero en Sociedad Gimnastica de Pontevedra.
Enlace con la noticia original: A Sociedad Gimnástica de Pontevedra convoca a súa Asamblea Xeral Ordinaria para o venres 29
