Publicado por: F.G. Atletismo
Foron moitos os equipos que esta fin de semana se deron cita en Gijón para tomar parte no Campionato de España de Clubs de Campo a Través que precede a esa gran cita correspondente ó nacional que se desenvolverá o vindeiro dia 11 de marzo en Mérida.
A esta cita acudiron un importante número de equipos na que sen lugar a dúbidas o máis salientable sería ese podio colleitado polas integrantes do ADAS-Proinor quen no cros curto tantos e tan bos éxitos están a aportar a entidade que dirixe Tinín González. As de O Barco terían en Leti Fernández-nun excelente estado de forma- a súa millor atleta, ó entrar na línea de meta nunha formidable cuarta posición. Xunto ela estarían na novena posición unha non menos formidable Sandra Mosquera, 19ª Joana Filipa Pereira, 61ª Iria Fernández e 131ª Barca Toba.
No resto de actuacións salientar os posto de finalistas dos equipos masculinos do Ourense Atletismo e da Escola Atlética Lucense quintos e oitavos respectivamente na categoría Sub-18 e na que o mellor atleta lucense sería David Gómez no posto 44º.
Xa a título individual de novo El Medhi El Nabaoui ,que apunta con paso moi firme a metas importantes, firmaría unha excelente proba acadando o trunfo da súa categoría Sub-18 e na que o seu club quedaría no décimo sexto lugar. Nesta mesma categoría quinta posición para Diego Alonso do Clube Atletismo Santiago. Outro dos protagonistas sería o atleta Sub-16 do Ourense Atletismo Martín Rivera quen se proclamaría vencedor da súa proba nunha chegada moi emocioante. Tariku Novales do Playas de Castellón pola súa banda, entraría nunha notoria oitava posición na categoría Sub-23.
Resultados Campionato de España
O artigo ADAS-Proinor, El Nabaoui e Rivera protagonistas no nacional de Campo a Través publicouse primeiro en Federación Galega de Atletismo.
Enlace con la noticia original: ADAS-Proinor, El Nabaoui e Rivera protagonistas no nacional de Campo a Través
