Publicado por: F.G. Atletismo
Continúan desfilando pola capital alemana os distintos atletas galegos que toman parte no Campionato de Europa de Atletismo.
Logo de que no día de ontonte o marinense Jean Marie Okutu non poidera acceder a final de lonxitude por tan só cinco centímetros, hoxe continuamos con presencia galega no Estadio Olímpico.
As 12.15 horas será unha das xoias do atletismo galego, Adrián Ben Montenegro, quen faga a súa presentación na élite continental na proba raiña do medio fondo, os 1.500 m. Malia tratarse dun atleta Sub23, o viveirense coñece o sabor do éxito internacional grazas ó bronce do Europeo da súa categoría en Grosseto cun rexistro de 3:57.32 do ano pasado.
A esta cita acude con moitísimas gañas e motivación logo de ter gañado a pulso a súa presencia na cidade berlinesa. O seu obxectivo principal será intentar mellorar os 3:39.40 de MMP e de acumular experiencias nunha cita que marcará un antes e despois no ciclo atlético do que está chamado a ser un dos referentes do medio fondo internacional.
O artigo Adrián Ben, instálase en Europa publicouse primeiro en Federación Galega de Atletismo.
Enlace con la noticia original: Adrián Ben, instálase en Europa
