Axenda atlética para esta fin de semana

Publicado por: F.G. Atletismo

Interesante axenda de competicións é o que nos depara o calendario autonómico e internacional para esta fin de semana.

En Madrid continúa ata o sábado a competición do Campionato de Europa Máster de Pista Cuberta na que os atletas galegos están a acadar excelentes rexistros sobre os que vimos falando a través das Redes Sociais e cuia información ampliaremos próximamente nesta web.

Dende a pista cuberta de Madrid, ímonos ata o VII Trofeo Deportivo Aurum de aire libre que se desenvolverá en Ourense a partires das 18.00 horas do sábado 24 e que xuntará a un importante número de atletas no que representa unha das primeiras citas de aire libre importantes da tempada.

No apartado de tecnificación segue a desenvolverse a concentración de velocidade que o responsable do sector José Carlos Tuñas está a dirixir durante esta fin de semana nas Pistas do Campus Universitario de Ourense e cuia finalidade é a de facer un seguimento directo ós millores especialistas do sector.

Xa para rematar a VII Carreira Pedestre Concello de Camariñas, que se desenvolverá o domingo, abrirá o importante Circuito de Carreiras Populares da Costa da Morte formado por un total de dez probas e que esta edición se achega xa a súa sétima edición.

O artigo Axenda atlética para esta fin de semana publicouse primeiro en Federación Galega de Atletismo.


Enlace con la noticia original: Axenda atlética para esta fin de semana

Mas noticias relacionadas