CAMPIONATO GALEGO CAMPO A TRAVÉS – XOGADE (sábado 15 febreiro, Pontevedra)

Publicado por: Lucus Atletismo

Por fin terá lugar o CAMPIONATO GALEGO DE CAMPO A TRAVÉS – XOGADE este sábado 15 de febreiro no concello de Portas, en Pontevedra. Logo de superar as fases previas e de clasificarse no Campionato Provincial que tiña lugar en Vilalba, é o momento de disputar a proba final que determinará os/as atletas e equipos que consigan facerse co título autonómico da especialidade.

Nesta última xornada estarán presentes os dous equipos femininos SUB14 e SUB16 e Teo de Frutos, vencedor da carreira provincial e representante na categoría SUB14 masculina. Será en horario de mañá a partir das 11:00 horas e percorrerán entre 2.500 e 3.000 metros, nunha mañá á que poñerá fin a cerimonia de premiación, onde atletas individuais e equipos recollerán os merecidos premios e medallas. Deixámosvos o circuíto e o horario das carreiras, ademais das distancias e toda a información relativa ao desprazamento.

CIRCUÍTO

Circuíto no Concello de Portas, Pontevedra.

 

HORA CATEGORÍA DISTANCIA PERCORRIDO
11:00 SUB16/CAD FEM 3.000m 3 Voltas Rosa
11:20 MASC
11:40 SUB14/INF FEM 2.500m 1 Volta Azul + 2 Voltas Rosa
12:00 MASC
12:20 SUB12/ALE FEM 2.000m 2 Voltas Rosa
12:35 MASC

Para o desprazamento dos equipos ata Pontevedra sairá un autobús desde Lugo ás 8:00 horas diante do IES Lucus Augusti (antigo Masculino), con volta ao remate da competición e entrega de premios. PRÉGASE ACUDIR 10 MINUTOS ANTES para respectar a hora de saída do transporte e chegada en tempo á competición.

 

! Lembrade, coma sempre, os seguintes aspectos importantes:

  • En caso de non acudir á competición ou non desprazarse en autobús, avisar canto antes a calquera dos/as responsables do Club para que o teña en conta.
  • Trae imperdibles para colocar o dorsal, un documento que acredite a túa identidade, zapatillas de cravos (se as tes) e roupa de cambio (segundo a meteoroloxía).
  • Viste a equipación de competir do Club ou, no seu defecto, a roupa de adestramento obrigatoria da Escola (camiseta a suadoiro).
  • Disfruta moito da xornada e da competitividade en equipo!

 

Podes consultar nos seguintes enlaces os resultados das fases previas de Campo a través:

Fase Preparatoria

(1 decembro 2019)

Fase Clasificatoria

(19 xaneiro 2020)

Campionato Provincial

(2 febreiro 2020)

MOITO ÉXITO NESTA ÚLTIMA ROLDA, EQUIPOS!!

Enlace con la noticia original: CAMPIONATO GALEGO CAMPO A TRAVÉS – XOGADE (sábado 15 febreiro, Pontevedra)

Mas noticias relacionadas