Publicado por: Lucus Atletismo
O pasado 24 de abril tiña lugar na localidade de Noia o CAMPIONATO DE GALICIA ABSOLUTO E SUB23 DE 10.000 METROS, unha competición destacada que desde este mesmo ano engadirá ao seu nome «MEMORIAL ALEJANDRO GÓMEZ», en homenaxe ao atleta olímpico falecido recentemente.
Esteban Iglesia. ©Youtube da FGA.
Nunha xornada única de mañá, na que a meteoroloxía facía perigar os resultados, o noso fondista Esteban Iglesia lograba converterse no campión galego absoluto dos 10.000 metros, unha carreira que se disputaba en tres series por mor das medidas sanitarias e da que resultaba vencedor autonómico cun mellor rexistro de 31:39.55 minutos, levando consigo a merecida medalla de ouro.
Pero non ía ser o único, pois na terceira das series o compañeiro Kevin Darriba conseguía cruzar a liña de meta en 37:27.61 minutos, un rexistro que o convertía no campión galego SUB23 no seu primeiro ano nesta categoría; logo de proclamarse subcampión dos 5.000 metros a anterior edición do Campionato, na que tomaba parte como atleta SUB20.
Kevin Darriba. ©Youtube da FGA.
Podedes consultar os resultados completos e volver a ver a competición en directo nos seguintes enlaces.
 |
 |
Non podemos estar máis contentos, GRANDE NORABOA RAPACES!
Enlace con la noticia original: DOBRE OURO NO CAMPIONATO DE GALICIA DE 10.000 METROS (24 abril 2021, Noia)
