Publicado por: F.G. Atletismo
Unha nova medalla sería o que acadaría Ana Peleteiro para o atletismo galego nos Campionatos de Europa de Atletismo que se están a desenvolver en Berlín. A saltadora de Barbanza marcaría no seu primeiro salto un rexistro de 14.42 m. que sería o que lle daría o bronce nunha competición moi igualada na que quedaría a tan só tres centímetros da prata e na que o seu concurso sería de 14.42/14.33/14.12/X/X. A proba foi gañada pola grega Papahristou con 14.60 m. sendo o subcampionato para a saltadora alemana Gierishch con 14.45 m.
Con esta medalla Ana Peleteiro amplia ó seu xa impresionante palmarés e suma un novo podio que xa a levarían este ano a acadar o bronce nos mundiais de pista cuberta en Birmingham instalándoa definitivamente, na élite mundial e convertindoa en seria aspirante ás medallas olímpicas de Tokio 2020.
Resto dos galegos
Na mañán de hoxe tamén tomaría parte nas series clasificatorias Solange Pereira nos 1.500 m. A pontevedresa, que tomaba parte na segunda serie, sairía de maneira decidida encabezando a proba rematando a súa carreira cun rexistro oficial de 4:10.63 que farían que ocupase o décimo sexto lugar de todas as participantes.
O artigo Fantástico bronce para Peleteiro nos Campionatos de Europa publicouse primeiro en Federación Galega de Atletismo.
Enlace con la noticia original: Fantástico bronce para Peleteiro nos Campionatos de Europa