Publicado por: Lucus Atletismo
Fin de semana de competicións autonómicas coa celebración do CAMPIONATO DE GALICIA SUB10, SUB12 e SUB14 o sábado 9 de xuño en Pontevedra e o CAMPIONATO DE GALICIA SUB20 e SUB23 ao día seguinte, o domingo 10 de xuño na localidade coruñesa de Ferrol. Seguide lendo para coñecer as probas, os horarios definitivos e seguir os resultados en directo!!
O encargado de abrir esta fin de semana atlética será o campionato galego para as categorías menores da Escola de Atletismo, que se disputará o sábado 9 de xuño no Estadio da Xuventude do Centro Galego de Tecnificación Deportiva, na provincia de Pontevedra. Os/as atletas SUB10 (benxamín), SUB12 (alevín) e SUB14 (infantil) terán a súa quenda para experimentar as sensacións dunha competición a nivel autonómico que reúne ás mellores marcas de cada proba, logo do traballo de toda a tempada que dará fin con esta cita ao aire libre. Deixamos pois o horario coas probas que desputarán a trintena de atletas da Escola Lucus Caixa Rural Galega, con representación en todas as categorías, así como información de interese.
| HORARIO DAS PROBAS | |
 |
|
 |
|
| Segue os resultados en directo premendo na imaxe!! | |
 |
|
| 👉 Regulamento | 👉 Lista de inscricións |
! Para todas e todos os atletas da Escola sairá un autobús desde as Pistas de Atletismo do Estadio Gregorio Pérez Rivera (onde adestran) ás 8:00 horas da mañá, polo que deberedes acudir 10 minutos antes xunto cos 5€ para cubrir o transporte, que serán entregados na subida ao bus. A comida está reservada alí, ao ser en xornada de mañá e de tarde, e a volta a Lugo será ao remate da última proba do campionato. Lembrade tamén levar a roupa de competir, imperdibles para a suxeición do dorsal, roupa de cambio debido ás previsións meteorolóxicas e o documento de identidade.
En canto ao domingo 10 de xuño, a ocasión será para as categorías SUB20 (xunior) e SUB23 (promesa), cuxo campionato galego será na Pista de Atletismo A Malata, en Ferrol. De novo adxúntase información de interese, o horario definitivo e o enlace para seguir os resultados en directo.
MOITO ÉXITO A TODOS/AS!!
Enlace con la noticia original: Fin de semana de CAMPIONATOS DE GALICIA (9 e 10 de xuño)