Publicado por: F.G. Ciclismo
Non houbo medallas na xornada deste domingo reservada ás contra o reloxos no Campionato de España Júnior e Máster, pero si representación autonómica no Top-10 de varias categorías. Na localidade asturiana de San Román de Candamo, Carla Fernández obtivo a novena posición entre as juniors competindo coas cores da Selección de Galicia, Justo González (MTC) rematou cuarto nos Máster-30B, Jose Riol (Orensano) clasificouse cuarto nos Máster-50B e Mónica Alarcón (Arcadecycles) finalizou cuarta nas Máster-40A.
As probas juniors disputarónse sobre 14,2 quilómetros. Nese percorrido Carla Fernández detivo o reloxo en 25 minutos e 14 segundos, quedando a 47" da terceira posición. A vitoria foi para a navarra Irati Puidefabregas (23:11).
A Selección de Galicia contou con dous corredores na categoría júnior masculina. Miguel Ángel Mera terminou 14º cun rexistro de 21:10 e Brais Gómez, 18º con 21:21. O gañador Carlos Rodríguez (Andalucía) impúxose cun tempo de 19:43, batendo en 28" a Igor Arrieta (Navarra) e en 35" a Juan Ayuso (Comunidad Valenciana).
Enlace con la noticia original: Carla Fernández, novena na contra o reloxo dos Campionatos de España