Publicado por: Pontevedra C.F.
Esta é a introducción da reportaxe sobre a historia mariñeira da cidade de Pontevedra realizada por PonteArte, a quen recomendamos seguir, se non o facías xa, nas súas canles de redes sociais:
Twitter: @pontearte
Facebook: @poontearte
Instagram: @poontearte
Lendas, maxia e valentía da Pontevedra mariñeira
Unha cidade sen historia está destinada a esmoecer. Igual cá un barco sen tripulación está condeano a naufragar. Pero nós mesmos somos as armas para loitar contra o esquecemento. Porque temos memoria. Temos voz e sentimentos.
O Pontevedra é un club de fútbol, pero representa moito máis. É o nome da nosa cidade e é o amor que lle profesamos.
Somos herdeiros dun pasado de lenda. Dunha cultura mariñeira que deu vida e sentido a nosa identidade. E queremos recuperala, protexela e contribuir a agrandala.
Poida que a 1°RFEF sexa un mar descoñecido, mais non hai reto imposible para quen posúe o privilexio de ter unha gran herdanza: a do esforzo e traballo das xentes humildes da Moureira, dos nosos antergos, que consegiron facer do porto da Boa Vila o máis importante de Galicia. E que dicir da coraxe de quen sempre loitou, incluso arriscando a vida, por protexer o noso fogar máis vedadeiro. Falamos dos heroes de Ponte Sampaio, ou do corsario pontevedrés Juan Gago de Mendoza. Falamos dunha resistencia popular que se enfrontou ó mellor exército do mundo. E venceuno.
Esta tempada, fagamos dos vellos soños unha conquista. Construamos un futuro do que estar orgullosos. Precisamos unha tripulación disposta a intentalo; decidida a conseguilo. As velas do noso navío levan 81 anos ondeando de granate. Para nós, simboliza á ilusión, ás veces o sufrimiento que fai apretar os dentes con forza, pero que cesa. Porque é o suor das dificuldades o que dá a capacidade de non rendirse nunca.
Granates, a ribeira do Lérez agarda por nós. Fagámolo pola memoria, polo pasado, maestro das nosas vidas; pero, sobre todo, por ese futuro que aínda nos pertenece e que só poderemos acadar se cremos, de corazón, na beleza dos soños; se cremos, con paixón, no noso equipo. Izamos as velas do buque Pasarón. Embarcades?
La entrada Introducción: Lendas, maxia e valentía da Pontevedra mariñeira se publicó primero en Pontevedra C.F..
Enlace con la noticia original: Introducción: Lendas, maxia e valentía da Pontevedra mariñeira