300 atletas marcan o arranque do Circuíto de Atletismo en Pista

Publicado por: S.G.Pontevedra

O XLIX Trofeo Boa Vila foi o primeiro dos cinco eventos do Circuíto de Atletismo en Pista 2023. O conxunto de competicións organizado pola Sociedad Gimnástica de Pontevedra, da man do Concello de Pontevedra e grazas ao patrocinio dos Supermercados FROIZ; arrancou o 26 de abril no CGTD de Pontevedra.

Ao redor de 300 atletas se xuntaron en Pontevedra para desfrutar dunha boa xornada de atletismo; destacando, principalmente, o gran número de atletas de categorías menores da entidade organizadora que participaron na competición. Púidose ver, por exemplo, na variedade de equipos que se presentaron nos relevos, tanto masculinos, como femininos.

Entre os rexistros destacados, están a mellor marca galega de categoría sub16 do atleta do Atletismo Rías Baixas, Hugo Casañas. O mozo lanzou o artefacto de disco aos 59.28 metros. Tamén sobresae que Sergio Rodríguez superou a barreira de baixar dos 50 segundos nos 400ml, ao cruzar a liña de meta cun rexistro de 49.76; ou a mellor marca persoal de Marina Artemia Pérez en salto de lonxitude con 5,18 metros. Ambos pertencen á Sociedad Gimnástica de Pontevedra.

Tras a primeira xornada do Circuíto de Atletismo en Pista, xa está no punto de mira o segundo evento. Será o xoves, 18 de maio e tratarase do XLVII Trofeo S.G. Pontevedra. Posteriormente seguiranlle o XXVIII Trofeo Cidade de Pontevedra o mércores 31 de maio; o XXIV Memorial Celso Mariño o mércores, 21 de xuño; e remataría o venres, 7 de xullo co XLVII Trofeo Virxe Peregrina.