Publicado por: F.G. Atletismo
Toda a élite da marcha nacional e internacional estará esta fin de semana nas rúas coruñesas na Edición do G.P. Cantones de Marcha Atlética- Sergio Vázquez na que os actuais medallistas de ouro no pasado Campionato de Europa de Berlín, Alvaro Martín e María Pérez, encabezan a fabulosa lista de marchadores que tomarán parte. María Perez será dúbida ata última hora debido ó poceso vírico que arrastra desde Alytus, e que lle impedidiría render ós seus máximo niveis.
Tamén estarán marchando o atleta madrileño Diego García, prata en Berlín e recente bronce individual na Copa de Europa de Alytus o pasado 19 de Maio, onde xunto con Alvaro Martín, Miguel Angel López e Alberto Amezcua, obtiveron o ouro por equipos. Laura García-Caro prata individual en Alytus e Raquel González bronce, darán cartel a proba.
Seguindo cos marchadores nacionais, contarase na línea de saída cas integrantes do equipo feminino nacional, ouro por equipos nos 20 km de Alytus Laura García-Caro, Raquel González, María Pérez e Lida Sánchez- Pûebla, confirmando tamén a súa participación os campións de España na distancia do pasado 17 de marzo en Oropesa, Miguel Angel López e María Pérez.
Outra das marchadoras importantes será Julia Takcas bronce en Berlín na distancia de 50 Km.e prata en Alytus con récord de España incluído, a cal intentará subirse ó podio en Cantones, como xa fixera na anterior edición ó quedar segunda tras a gañadora Quinyang Shenjie.
Os especialistas de 50 Km tampouco serán quen de perderse a proba coruñesa, Marc Tur, dobre campión de España nas dúas últimas edicións, así como José Ignacio Díaz (o mellor posicionado en Alyuts), acompañarán ao supercampión Jesús Angel García-Bragado, quen participará en Doha nos que serán nada menos que os seus décimo terceiros Campionatos do Mundo.
En canto as mulleres dos 50 km, prata por equipos en Alytus, estarán na línea de saida Julia Takcas, Aihnoa Pinedo, María Larios e Mar Juárez.
O artigo A élite nacional e internacional dáse cita en Cantones publicouse primeiro en Federación Galega de Atletismo.
Enlace con la noticia original: A élite nacional e internacional dáse cita en Cantones
