Publicado por: Lucus Atletismo
Este sábado 17 de abril terá lugar unha das datas máis esperadas da tempada ao aire libre, onde se citarán os mellores equipos do panorama galego para disputar o CAMPIONATO DE GALICIA ABSOLUTO DE CLUBS, este ano acollido no Estadio de Calabagueiros (O Barco de Valdeorras).
Ata alí se desprazarán os nosos equipos feminino e masculino que, un ano máis, conseguiron manterse entre os oito mellores clubs de Galicia e acudir á gran cita autonómica, nunha xornada que dará comezo ás 11:00 horas e durará ata as 19:30h, cando se celebre a última das probas. No enlace posterior podedes consultar os e as atletas que representarán ao Club e o horario definitivo das distintas probas, onde sen dúbida a ausencia de relevos marcará esta competición de equipos nunha tempada diferente.
 |
 |
 |
 |
Para a xornada da tarde, sairá un autobús ás 13:00 horas desde as pistas de atletismo de Lugo (Estadio Gregorio Pérez Rivera) para desprazar aos equipos feminino e masculino ás instalacións deportivas. Os/as atletas que non se despracen en bus, deberán avisar canto antes da súa baixa. Lembrade levar con vós a licenza deportiva ou documento de identidade e a declaración responsable cuberta e impresa para poder acceder á instalación. Podedes descargala desde aquí.
MOITO ÁNIMO EQUIPOS, A DAR O MELLOR!
Enlace con la noticia original: CAMPIONATO DE GALICIA ABSOLUTO DE CLUBS (sábado 17 abril, O Barco de Valdeorras)