Publicado por: Ourense Atletismo
Dous bronces foron os metais conquistados no Campionato de España Sub20 de Pista Curta celebrado en Sabadell.
A primeira chegou o sábado 21 co terceiro posto de Miguel Carbajales en pértega cunha marca de 4.68 metros. Miguel comezou o seu concurso en 4.38 e pasou á primeira tanto esa primeira altura coma o 4.58, superando á segunda tentatica os 4.68 para quedar eliminado dez centímetros máis arriba, nos 4.78.
O domingo chegaría o bronce de Iria Solera en altura cunha marca de 1.67 metros. Comezou con algún problema ao superar á segunda tentativa o 1.63, superando posteriormente o 1.67 á primeira e facendo os tres nulos consecutivos en 1.70. Compartiu bronce con Raquel Rodríguez Castañón, do Ciudad de Lugones.
Tamén participaron no 1.500 feminino Irene Navarro e Naroa Pereira. Irene rematou quinta na súa semifinal con 4:48.63, a un só posto de entrar na final. Naroa foi a 12ª da súa semifinal con 4:59.54. Xuntando os tempos das diferentes semifinais, Irene foi 14ª e Naroa 36ª.
Podes consultar os resultados ao completo na seguinte ligazón:
Campeonato de España de Short Track sub-20
La entrada DOUS BRONCES NO CAMPIONATO DE ESPAÑA SUB20 apareció primero en Club Ourense Atletismo.
Enlace con la noticia original: DOUS BRONCES NO CAMPIONATO DE ESPAÑA SUB20
