Publicado por: F.G. Atletismo
Fin de semana moi intenso o que nos deixaría a celebración dos campionatos de Galicia máster tanto de campo a través como o de pentatlón de lanzamentos que se deselvolveron respectivamente nos concello de Fene e de Pontevedra durante este domingo.
Arrincando co de lanzamentos, nas pistas do CGTD de Pontevedra disputaríase a cuarta edición do autonómico onde o máis salientable foi a consecución de nada menos que de sete récords galegos. Emilia Mesa sería unha das protagonistas ó acadar tres novos topes galegos na categoría máster 65 nos concursos de martelo (3 kg.) con 19.34 m. e martelo pesado con 7.21 m. que sumado ó resto de probas, permitíanlle acadar o récord galego no conxunto da proba con 2.668 puntos.
Carlos Almudi do Durango Kirol na máster 45 , sería o outro protagonista da xornada logo de establecer de igual modo, os récords galegos de martelo (7.260 kg.) con 50.03 m, martelo pesado con 13.57 así como a de pentatlón de lanzamentos con 3.305 puntos.
O resto de gañadoras/es serían os seguintes: Máster 35: José Méndez do Rías Baixas/ Máster 40: Irene Fernández e Santiago Arnoso ambos do A.Narón/ Máster 50: Manuel Núñez de A Silva/ Máster 60: Julio Escolante/ Máster 65: Luis Eyre do USC/ Máster 70: Manuel Rodríguez do R.C.Celta/ Máster 75: José Almudi do ADAS
Un circuito e pistas recuperado para o atletismo en Fene
Si todo esto acontecía en Pontevedra, a pouco máis de 145 km., desenvolvíase en Fene a edición trixésimo terceira do seu autonómico de campo a través baixo un fantástico ambente e esciario para a práctica atlética.
Esta edición serviría para traer de novo a Fene un campionato destas características, pero sobre todo, para recuperar tanto o circuito como as pistas de atletismo de cinza, cuxo proxecto persoal levaría a cabo o Concellal de Deportes Xoan Manuel Bastida segundo recoñocía o alcalde do Concello Gumersindo Galego. Con esta medida gáñase un importante espazo atlético que se recupera para o atletismo local.
Xa no apartado de resultados resultarían gañadores en cada unha das súas categorías os seguintes atletas: Máster 35: Iván Docampo do Run Galicia e Mónica Granero do Verxel Nutrición./ Máster 40: Juan Gude do LUCUS e Ana María Alonso do Beade/ Máster 45: Inés Papín do C.A. Sada e José Buján do Noitebra e/ Máster 50: Teresa Castro do Noia e Samuel Veiga do Milladoiro e / Máster 55: Marta Paz do Egovarros e José Suárez do SAR e / Máster 60: Carmen Novo do Egovarros e Javier Toro do Verxel/ Máster 65: Pilar Márquiz do Sada e Xosé L. Otero Cepeda do Universitario de Santiago/ Máster 70: José Sainz do C.A. Sar/ Máster75: Antonio Cabana do Egovarros.
Por clubs os triunfos serían na categoría feminina para o Verxel Nutrición sendo na masculina o Arenteiro o gañador na máster 35/40, o Atletismo Sada na 45/50 e o Egovarros na de maiores de 60.
O artigo Fin de semana moi intenso para os e as máster publicouse primeiro en Federación Galega de Atletismo.
Enlace con la noticia original: Fin de semana moi intenso para os e as máster
