Publicado por: F.G. Atletismo
Un total de dúas medallas e catro postos de finalistas sería o balance da actuación galega no Campionato de España Sub-18 de Pista Cuberta que esta fin de semana se desenvolvería na cidade malagueña de Antequera.
Sen lugar a dúbidas o principal protagonista por parte dos galegos sería unha vez máis o atleta do Club San Paio A Estrada El Medhi El Nabaoui que parece non coñocer límites. Logo de facer unha tempada na que se proclamaría gañador do Cros Internacional de Atapuerca Sub-18, Campión Nacional Sub-18 de campo a través por clubes e Campión de España de campo a través Sub-18 remataría esta fase invernal co título nacional dos 3.000 m. cun rexistro de 8:51.15 que fan incrementar ainda máis o seu xa impresioante palmarés. Con este título ratifica o seu domiño sobre esta distancia que lidera no ranking nacional con esa incríble marca efectuada no galego absoluto de Ourense de 8:33.77 e que fan del toda unha prometedora promesa de futuro.
A outra das grandes novas viría da man de Lucía Sicre. A ferrolana do RIA que se achegaba con moitas gañas a Antequera, tomaría parte na terceira semifinal dos 800 m. onde se imporía cómodamente con 2:20.13. Xa na final do domingo e competindo como ela sabe, cederaía tan só ante a balear Pinacchio e a extremeña Cepeda, acadando o bronce con 2:16.39.
Destacada actuación tamén a de Sara López da Atlética Lucense quen na proba dos 3000 m. establecería un rexistro de 10:36.40 acabando na sexta posición.
Non menos importante sería a actuación do atleta do C.A. Santiago Victor Mosteiro quen na final dos 60 m. e con 7.11 ocuparía a cuarta posición. Este mesmo atleta xa en semifinais lograría unha MMP con 7.09.
Por último outro dos finalistas galegos sería o representante do Comesaña Sporting Club Diego Barros quen nos 800 m. e cun rexistro de 2:02.63 ocuparía unha meritoria sexta posición. Previamente nas semifinais, onde lograría o pase por tempos, establecería un rexistro de 1:58.45 que representa unha MMP
Foto: Fotocarlosgrafias.com
O artigo Medhi El Nabaoui e Lucía Sicre, protagonistas en Antequera publicouse primeiro en Federación Galega de Atletismo.
Enlace con la noticia original: Medhi El Nabaoui e Lucía Sicre, protagonistas en Antequera