Publicado por: F.G. Atletismo
Un total de sete medallas e catorce postos de finalistas foi o balance da actuación dos atletas galegos e galegas que tomaron parte esta fin de semana no Campionato de España de subida vertical e campionato de España de montaña classic celebrado nas localidades palentinas de Aguilar de Campoo e Barruelo de Santullán.
O máis salientable foi o título de campión de España M55 logrado por Emilio Montilla do CD Biosbardo quen na modalidade de montaña classic lograba o título sobre unha especialidade da que xa fora subcampión de España no ano 2024. Ademáis o dezano lograba un gran 4º posto na modalidade de subida vertical.
Raquel Estévez do CD Pinarium, era outra das galegas destacadas logrando o subcampionato de España en subida vertical na F55 e unha gran 4ª posición en montaña que a deixaban ás portas do podio.
Elpidio Gómez do Castro Trail, sumaba unha nova prata na modalidade vertical M50 e un 5º posto no campionato de montaña. Pola súa banda Batríz Barroso do At. Noia na F45 lograba entrar en posicións de podio que lle daban acceso ao metal de bronce.
Como de extraordinaria se pode calificar a tempada que está levando a cabo a internacional lucense Sandra González. A plusmarquista de España e campioa de cros e ruta Sub20 lograba repoñerse dunha aparatosa caída para rematar na segunda posición da proba que lle permiten aspirar as grandes citas internacionais desta modalidade de montaña. Outro valor emerxente tamén lucense, Lía Núñez sumaba ao seu título de campioa galega Sub16 deste ano o subcampionato de España que colleitaba esta fin de semana en Aguilar de Campoo.
A última das medallas foi parar para o equipo do SD Compostela onde Lucía Taboada, Xulia Vidal e Martina López remataban no terceiro lugar da clasificación de montaña Sub18 e Sub20.
A maiores lograron postos top no campionato:
4º Roberto Salvado do (SD Compostela) M55 vertical e 8º en montaña/ 5ª Xulia Vidal (SD Compostela) Sub18 vertical/ 7º Juan Rivas (At. Cambados) M60 vertical e 71 en montaña/ 7º Álvaro Soto (CD Delikia) Sub18 montaña/ 8ª Julia Salvado (Compostela At.) Sub23 vertical/ 8ª Lucía Taboada (SD Compostela) Sub18/ 8ª Noa López (At. Lucense) Sub16 montaña/9ª Enara Fernández (CD Biosbardo) F35 montaña/ 10ª Judith Barros (+9 Moraña) Sub16 montaña
Foto: RFEA
O artigo O atletismo galego regresa con sete medallas do campionato de montaña e vertical publicouse primeiro en Federación Galega de Atletismo.
Enlace con la noticia original: O atletismo galego regresa con sete medallas do campionato de montaña e vertical
