Publicado por: Ourense Atletismo
A Federación Galega de Atletismo organizará, co patrocinio do concello de Santiago de Compostela, o Campionato da Xunta de Galicia Absoluto de Milla en ruta e das categorías sub 18, sub 20, sub 23 e máster, e de 1km en ruta das categorías sub 10, sub 12, sub 14 e sub 16 o domingo 13 de xuño en Santiago de Compostela.
As inscricións realizaranse ata as 20:00 horas do martes 8 de xuño de 2021.
Admitiranse atletas (a determinar o número final segundo protocolo Covid-19 actual) con marcas feitas dende o 1 de xaneiro de 2020 nas probas de 1000 metros (para o 1 km) e de 1500 metros (para a milla), así como na propia distancia en ruta (1 km e milla en ruta). Na categoría sub 18 poderanse valorar marcas feitas no 1000 calculando a equivalencia no 1500 pola táboa da WA.
A saída das diferentes probas terá lugar na rúa de Senra e a meta será na Praza de Galicia de Santiago de Compostela.
La entrada XII Campionato de Galicia de Milla en Ruta 2021. apareció primero en Club Ourense Atletismo.
Enlace con la noticia original: XII Campionato de Galicia de Milla en Ruta 2021.
