Publicado por: Seis do Nadal Basket
(Membros da Xunta Directiva do club xunto ao Director de Pintunova)
.
A empresa Pintunova e o Seis do Nadal – Coia renovaron o acordo de colaboración para o presente curso 2018/2019, no cal a empresa galega de pinturas seguirá sendo, por segundo ano consecutivo, patrocinadora da entidade.
.
Membros da Xunta Directiva e da Dirección Deportiva do Club Baloncesto Seis do Nadal – Coia, visitaron as instalacións da tenda de Pintunova en Vigo, situada na Travesía de Vigo 185 baixo, para pechar xunto a Alberto Gómez, Director Comerial de Pintunova, o acordo de colaboración.
.
Un dos puntos deste acordo da colaboración é que o equipo Cadete Masculino "A" do club, que compite actualmente na Liga 1ª División Cadete Masculina 2018/19, levará o nome de Pintunova Seis do Nadal para o que resta de tempada.
.
Desde o Club Baloncesto Seis do Nadal – Coia, agradecemos toda a confianza e todo o apoio depositado por parte desta empresa no noso proxecto, e estamos satisfeitos da relación establecida entre ambas partes para esta campaña. Moitas grazas pola súa colaboración!
Enlace con la noticia original: PINTUNOVA CONTINUARÁ ESTA TEMPADA 2018/2019 COMO COLABORADOR DO SEIS DO NADAL
