Os galegos ultimaron en Hoogerheide a súa posta a punto para o Mundial de ciclocross
No último test previo ao Mundial de ciclocross, os galegos non puideron repetir os brillantes resultados acadados sete días antes en Nommay (Francia). Esta vez, no circuíto holandés de Hoogerheide, o sub23 Iván Feijoo tivo que conformarse coa 39ª posición, o júnior Carlos Canal coa 46ª e a sub 23 Irene Trabazo coa 14ª. A novidade nesta cita foi a participación do júnior Adrián Barros, que rematou 28º.
A mala sorte cruzouse con Feijoo despois dunha boa saída. O sub23 do Academia Postal – Actyon – MMR sufriu unha picada cando rodaba 21º. Tivo que cambiar de bici e non foi capaza de recuperar o ritmo do prinicipio. Finalizou a 4:58 do gañador Eli Iserbyt.
O seu compañeiro de equipo Canal non gozou das mesmas sensación que a semana anterior, cando obtivo a décima praza en Nommay. Nesta ocasión non tivo o seu mellor día e terminou a 4:52 de Niels Vandeputt. Pola súa banda, Barros estreouse nunha Copa do Mundo e o do Coruxo cedeu 3:13 co primeiro clasificado.
A participación galega completouna Trabazo na carreira raíña feminina que gañou Sanne Cant. A marinense ocupou a 45ª praza na táboa absoluta, sendo a 14ª mellor sub23.
Estes catro corredores galegos xa non se moverán dos Países Baixos, onde a vindeira fin de semana se celebra o Mundial no que representarán á selección española no circuíto de Valkenburg.
Foto: Clube Ciclista Maceda
Publicada en: Os galegos ultimaron en Hoogerheide a súa posta a punto para o Mundial de ciclocross» target=»_blank»>F.G. Ciclismo