Publicado por: F.G. Ciclismo
O concelleiro de deportes de Sanxenxo, Jesús Sueiro e o presidente da Federación Galega de Ciclismo, Juan Carlos Muñiz, presentaron fronte á Madama de Silgar os pormenores da 2ª etapa da Volta Ciclista a Galicia 2018 que chegará ás Rías Baixas o vindeiro venres 21 de setembro. Sanxenxo estará ese día ocupado pola Volta co obxectivo, segundo os seus organizadores, de que veciños e afeccionados poidan achegarse e compartir a experiencia cos ciclistas.
O inicio da etapa darase á unha da tarde desde o Paseo de Silgar case na confluencia coa Avenida Luís Rocafort e tanto na saída como na chegada percorrerá diversas rúas do pobo, tanto no seu núcleo central como en Portonovo. En apenas 20 quilómetros o pelotón volverá pasar por Sanxenxo para disputar a primeira meta volante do día. A segunda meta intermedia a terán en San Xoan de Poio, a 33 kilómetros da chegada.
O trazado da segunda etapa da Volta a Galicia consta de 148 quilómetros que discorrerán pola localidades de Vilalonga, Cambados, Vilagarcía, Catoira, Caldas de Reis, Barro, Leiro, Samieira e Sanxenxo onde os ciclistas deberán afrontar as ascensión aos altos de Carracedo (3ª categoría), O Busto (2ª categoría) e A Escusa (1ª categoría).
Enlace con la noticia original: Sanxenxo desvelou os detalles da segunda etapa da Volta a Galicia