Publicado por: F.G. Ciclismo
Pontevedra xa se prepara para recibir esta fin de semana aos 900 ciclistas que tomarán parte no Campionato de España de Ciclocrós que do 11 ao 13 de xaneiro disputarase no circuíto da Illa dás Esculturas da capital do Lerez.
A Federación Galega de Ciclismo, coa colaboración dos clubs Pinarium e Marín, afánase nos últimos días en perfilar o trazado de 3,4 quilómetros ao que os participantes só terán acceso desde a xornada inaugural do venres, día no que se celebrará a proba de substitucións por equipos autonómicos. Desta maneira, todos os ciclistas afrontarán en igualdade de condicións o Campionato, algo inédito xa que era habitual que os participantes locais gozasen da marxe de poder adestrar nas xornadas previas.
Con esta incógnita, o que parece claro é que a ausencia de choiva comportará un percorrido máis rápido do afeito nesta modalidade ciclista na que o barro é a esencia da competición. O percorrido contará con dous tramos de escaleira e un obstáculo artificial entre outras dificultades técnicas.
Recepción ao Delikia
A sede do Concello de Pontevedra será o escenario da recepción que ofrece o alcalde Miguel Anxo Fernández Lores aos compoñentes do conxunto Delikia Ginestar, unha das formacións de ciclismo profesional español e que conta nas súas filas co vixente campión de España, Ismael Esteban; o subcampión Felipe Orts e as campioas sub23 Luisa Ibarrola e Elena LLoret entre outros. Neste acto estará presente o presidente da Real Federación Española de Ciclismo, José Luis López Cerrón e o presidente da Federación Galega, Juan Carlos Muñiz.
Outros nomes destacados de ciclistas destacados que estarán presentes en Pontevedra serán a asturiana Aida Nuño (Rio Miera) e Javier Ruíz de Larrinaga (MMR). Nuño aspira a sumar en Pontevedra o seu sétimo título nacional e superar os seis da súa paisana Rocío Gamonal. Lucía González (Nesta) será o seu principal opositora. As locais Irene Trabazo (Marín) e Lucía Vázquez (Prorebordosa) a recado darano todo esporeadas polo seu público.
O histórico “ Larri” colgará a bici na cita pontevedresa. Con 39 anos e cinco títulos ás súas costas, o ciclista arabés podería ter posibilidades no circuíto de As Esculturas ante o principal favorito que é Felipe Orts, pero co terreo rápido e chairo as diferenzas serán mínimas e calquera erro podería botar por terra o Campionato a calquera.
Enlace con la noticia original: PONTEVEDRA XA ESPERA O CAMPIONATO DE ESPAÑA DE CICLOCRÓS