Publicado por: Ourense Atletismo
O sábado 20 de decembro celebrouse o Campionato de España de Clubs Sub20 en Pista Curta onde se deu a participación do Ourense Atletismo tanto en homes coma en mulleres. A pista cuberta de Expourense acolleu un ambiente excepcional e o noso club competiu no mellor escenario posible contra os mellores equipos de España.
As mulleres remataron en sétimo lugar con 43 puntos, a dous puntos da Real Sociedad e sacándolle catro á A.D. Sprint. As vitorias chegaron por parte de Manuela Blanco, vencedora na pértega con 3.71 e Sabela Castelo no 3.000 con 9:31.24, sacándolle prácticamente un minuto á segunda clasificada. Iria Solera conseguiu a segunda posición no salto de altura ao batir os 1.73 metros. Aitana Capeáns logrou a terceira posición no peso cun mellor lanzamento de 12.02.
Os homes chegaban ao campionato como o equipo con menos opcións por entrar como club organizador tras ter cumprido coa marca mínima esixida. Non puido dar a sorpresa e rematou na oitava e última posición. A pesar dese resultado, mostrou o seu nivel competitivo ao quedar a catro puntos do sétimo clasificado Delsur Coop La Palma e a cinco do Atletismo Albacete que foi sexto. Hugo Casañas conseguiu a primeira posición cun mellor intento de 18.46 e Unai Loureiro do filial Riazor Coruña foi segundo cunha marca de 7.15 en lonxitude.
Podes consultar os resultados ao completo na seguinte ligazón:
Campeonato de España Clubes Sub-20 Short Track «Trofeo Antonio Ferrer»
La entrada O OURENSE ESTIVO NA ELITE NACIONAL apareció primero en Club Ourense Atletismo.
Enlace con la noticia original: O OURENSE ESTIVO NA ELITE NACIONAL