Publicado por: F.G. Atletismo
Excelente resultados para o equipo feminino do Samertolameu no XII Campionato de España por Clubs Máster de primeira categoría desenvolto esta fin de semana en Elche.
O único representante galego nesta compitición acadaría o quinto posto cunha puntuación total de 56 puntos nun encontro domiñado polo Barcelona Atlético quen acadaría un total de 94 puntos.
As de Moaña terían nas atletas relevistas dos 4×100 ás máis destacadas ó gañar a súa proba cun rexistro de 56.10. A maiores tamén resultarían importantes os resultados de Araceli Salgueiro, segunda nos 400 m.l, así como os terceiros postos de Elisabeth Pazo en peso e de Teresa Suárez Vila nos 800m.l. atleta esta última quen cun rexistro de 2:31.39 establecería un récord galego Máster 45. Por ultimo Cristina Estévez logaría para o seu equipo, o segundo lugar no concurso de altura e o terceiro no de lonxitude.
O artigo Bo papel das máster do Samertolameu publicouse primeiro en Federación Galega de Atletismo.
Enlace con la noticia original: Bo papel das máster do Samertolameu