II Trofeo Escola de Marcha Atlética da Deputación de Pontevedra

Publicado por: F.G. Atletismo

Dentro das actividades do Sector de Marcha, e a proposta do coordinación do sector, a Federación Galega de Atletismo organiza o domingo nas pistas de atletismo do Centro Galego de Tecnificación Deportiva a partir das 10.30 horas o II Trofeo Escola de Marcha atlética da Deputación de Pontevedra.

A este evento acuden un bo número de marchadores pertencentes a todas as categorías no que pretende ser un primeiro test de principio de tempada en pista deste estratéxico sector para atetismo galego.

A modo de historia,  dende fai máis de dez anos ininterrompidos, a Deputacón de Pontevedra ben de estar a subvencioar esta importante Escola Atlética de Marcha Deputación de Pontevedra baixo cuxo dirección pasarían, por citar a algúns, a Santiago Pérez (actual responsable do sector de marcha da RFEA), Jorge Ignacio Silva, Oscar Fernández ou Carlos Morales que é quen a está a dirixir nesta última etapa máis recente. Da mesma maneira un importantísimo número de marchadores formaríanse na súa estructura acadando múltiples medallas e títulos nacionais así como destacadas actuacións a nivel internacional como a dos atletas Fran Durán, Antía e Daniel Chamosa ou Carmen Escaríz.

Para o director da Escola Carlos Morales “O apoio importantísimo da Deputación de Pontevedra neste proxecto está a ser determinante para que a marcha galega se atope a nivel xeral nun posto privilexiado en comparativa con outras Comunidades” da mesma maneira o Presidente da FGA Isidoro Hornillos salienta e destaca “… o magnífico trato e sensibilidade que esta Federación está a recibir por parte da Deputación, non só con este proxecto, se non con todos e cantos se levan a cabo co organismo provincial”  Precisamente os Deputados Chelo Besada e Javier Dios estarán presentes en representación do organismo público neste trofeo.

O artigo II Trofeo Escola de Marcha Atlética da Deputación de Pontevedra publicouse primeiro en Federación Galega de Atletismo.