Publicado por: F.G. Atletismo
Xornada moi importante a vivida no día de onte para o atletismo galego nas pistas Universitarias da USC de Santiago onde por fin, e despois dalgúns anos, volvíanse poñer en utilidade estas importantes infraestructuras ca súa inauguración.
Ao acto acudiron o Presidente da FGA Iván Sanmartín; o Secretario Xeral para o Deporte da Xunta José Ramón Lete; o Alcalde de Santiago Xosé Sánchez Bugallo; o Reitor da USC Antonio López e Deputada de Xuventude e DeportesCristina Capelán, entre outras
Na rolda de intervencións, Ivan Sanmartín fixo unha lembranza histórica desta importante instalación da que salientaba a súa trascendencia como eixo vertebrador do atletismo galego pola súa estratéxica ubicación xeográfica. De igual modo o mandatario federativo, comprometeuse a ¨revitalizar e potenciar a actividade atlética para o cal organizarase xa este mesmo ano, o Campionato Xunta de Galicia absoluto¨
Non faltaron as palabras de recoñecemento e de agradecemento do mandatario federativo en especial a ¨…a todas e cada unha das institucións que fixeron posible que estas pistas porfin poidan volver a ter actividade atlética¨ .
O acto remataba cunha primeira proba oficial que incluiría carreiras, saltos e lanzamentos.
Importante remodelación
A pista do Estadio de Atletismo da USC, cuxa renovación superou os 400.000 euros, é a única de Santiago e comarca homologada para acoller competicións oficiais neste deporte. A colocación dun novo pavimento que sustituía ao instalado no 1998, centrou os traballos de actualización deste espazo da Universidade que consta dun anel de carreiras de 400 metros de corda e oito estaxes. O tipo de obra que se proxectou tamén contemplou o marcado e sinalización.
O artigo Importante inauguración das pistas de atletismo da USC publicouse primeiro en Federación Galega de Atletismo.
Enlace con la noticia original: Importante inauguración das pistas de atletismo da USC
