Publicado por: F.G. Atletismo
O vindeiro domingo día 08 de xuño acontecerá unha das grandes probas atléticas do calendario galego como é o desenvolvemento do XXXIII Gran Premio Internacional de Marcha Cantones da Coruña – Trofeo Sergio Vázquez
Efectivamente, este importante evento, que ten rango Internacional IAAF, encara a súa trixésimo terceira edición con moitos e importantes alicientes entre os que cabe salientar a presencia dos actuais posuidores do récord do mundo de 20 km marcha: o xaponés Yusuke Suzuki e a atleta chinesa Hong Liu que volve con forza á competición despois do seu parón maternal.
Cartel de luxo
O Récord do mundo sería conseguido pola fenomenal atleta chinesa precisamente na Coruña, no ano 2015 logo de parar o reloxo nuns fantásticos 1.24.38. Ó récord de 20 km. engade o acadado este ano nos 50 km. marcha
O xaponés Yusuke Suzuki, que este ano parou o corno en 1.17.47, forma parte da numerosa expedición xaponesa formada por un total de 24 persoas entre atletas (14), e resto de delegación. Xunto el estarán compitindo Toshikazu Yamanishi que encabeza a lista mundial cuns espectaculares 1h.17:15
A delegación chinesa non é menos numerosa xa que completarán a expedición asiática 28 atletas ademáis do equipo técnico. As chinesas Hong Liu e Yang Jiayu presentan as mellores marcas das participantes, seguida da xaponesa Kumiko Okada e da terceira chinesa Zhenxia Ma, todas elas por baixo dos 1.28.30.
En homes, a mellor baza do equipo chinés será Kaihua Wang con 1.19.01, tan só superado polo potente equipo nipón e polo ruso que Vasily Mizinov, prata en Alytus, tralo sueco Perseus Kalstrom que tamén competirá na Coruña.
A proba coruñesa forma parte do Circuito da IAAF e na que logo de terse disputado catro probas, sitúase en cabeza o español Diego García, empatado co sueco Perseus Kalrtrom, sendo terceiro un habitual de Cantones, o brasileiro Caio Bonfim, que se presente cun rexistro en 2019 de 1.20.37.
O artigo Un cartel de auténtico luxo para Cantones publicouse primeiro en Federación Galega de Atletismo.
Enlace con la noticia original: Un cartel de auténtico luxo para Cantones
