A PRESENTACIÓN OFICIAL DO CLUB BALONCESTO SEIS DO NADAL – COIA SERÁ ESTE DOMINGO EN NAVIA

Publicado por: Seis do Nadal Basket

.

O Club Baloncesto Seis do Nadal – Coia organiza, como cada ano nesta primeira parte da campaña, a Presentación Oficial da tempada 2018/2019, coincidindo coa celebración do 35º Aniversario da entidade.

.

Na presentación oficial o noso club presentará a tódolos seus equipos federados e a tódalas escolas deportivas, reunindo deste xeito a preto de 700 deportistas, aos que se lle suman os máis de 40 monitores e adestradores/as que conforman o corpo técnico da entidade.

.

A celebración da Presentación Oficial 2018/2019 terá lugar o próximo domingo día 16 de decembro do 2018 a partir das 12:30 h. no Pavillón Municipal de Navia, nun acto renovado e diferente con respecto ás pasadas campañas.

.

No acto se presentarán aos 26 equipos federados, ao grupo de Baloncesto para Adultos, ás 10 escolas deportivas e ao corpo técnico do club que compoñen a estrutura deportiva da entidade, realizaranse as fotos de equipo oficiais da presente tempada e a foto de grupo que de seguro reflexará o continuo crecemento da nosa entidade ano tras ano.

.

Ademais presentarase oficialmente a tempada 2018/2019 do Club Baloncesto Seis do Nadal – Coia a tódolos medios de comunicación e a toda a familia do deporte da canastra e da cidade de Vigo.

.

Desde tódolas seccións do Seis do Nadal – Coia invitamos a tódolos integrantes do club, do presente e do pasado, a asistir a este acto e poder descubrir o elevado número de deportistas que forman parte da entidade, e ao mesmo tempo solicitamos a tódolos asistentes a súa colaboracion para a Recollida de Alimentos entregando na entrada da nosa instalación un quilo de alimentos para apoiar ao Banco de Alimentos de Vigo.

.

Agardámosvos a tod@s!


Enlace con la noticia original: A PRESENTACIÓN OFICIAL DO CLUB BALONCESTO SEIS DO NADAL – COIA SERÁ ESTE DOMINGO EN NAVIA

Mas noticias relacionadas