GRAN PARTICIPACIÓN NO COMEZO DA NOVA EDICIÓN DA LIGA LINCO 2020 DO SEIS DO NADAL – COIA

Publicado por: Seis do Nadal Basket

(De esquerda a dereita: Gorka Gómez, Abel Caballero, Iria Otero, Manel Fernández e Sergio González durante a presentación da Liga LINCO 2020)

.

O pasado venres día 31 de xaneiro do 2020 tivo lugar no pavillón de Navia a presentación dos equipos e participantes da Liga LINCO Concello de Vigo 2020 organizada unha tempada máis polo Club Baloncesto Seis do Nadal – Coia co apoio do Concello de Vigo.

.

Preto de 150 xogadores e xogadoras xunto aos máis de 20 monitores saltaron á pista coa nova camiseta que vestiran ao longo das competicións interesoclares desta tempada. Un total de 17 equipos formados por rapaces e rapazas dos colexios CEIP Seis do Nadal, CEIP Illas Cíes, CEP Doutor Fléming, CEP Celso Emilio Ferreiro, CEIP Pintor Laxeiro e Col. Labor, e das dúas Escolas Deportivas Municipais do Berbés e Navia; competirán a partir do próximo venres 7 de febreiro na nova Liga LINCO Concello de Vigo.

(Abel Caballeiro deu o salto inicial ao primeiro partido das Ligas LINCO)

Tamén estivo presente en Navia o grupo de árbitros desta nova edición da LINCO, formado por xogadores e xogadoras dos combinados federados da entidade viguesa das categorías cadete, júnior e sénior que aproveitarán a Liga LINCO para formarse como árbitros de baloncesto.

.

Para iniciar os primeiros dos partidos amigables deste curso estiveron presentes na xornada Abel Caballero, Alcalde do Concello de Vigo; Manel Fernández, Concelleiro de Deportes de Vigo; Gorka Gómez, Deputado de Deportes da Deputación de Pontevedra; David Regades, Delegado da Zona Franca de Vigo; Alberto Gómez, responsable da empresa Pintunova; e membros da Xunta Directiva e da Dirección Deportiva do Club Baloncesto Seis do Nadal – Coia.