Feijoo (Maceda) e Trabazo (Marín) gañan o II CX Poio Movese e dan por inaugurada a tempada invernal

Iván Feijoo (Maceda) e Irene Trabazo (Marín Ence) foron os grandes dominadores da segunda edición do Trofeo de Ciclocros Poio Móvese, proba inaugural da tempada que tivo lugar nas instalacións da Seca no concello pontevedrés de Poio.

Feijoo, ciclista de categoría sub23, non atopou oposición a unha carreira case perfecta sobre un trazado de catro quilómetros e un firme máis propio dunha proba de montaña que dun ciclocrós ao non contar cos ingredientes característicos da auga e o barro. A posta a punto do allaricense tras participar na pasada Volta a Galicia de estrada, deixouse notar no alto ritmo que impuxo na proba e a falta de contratempos fixo o resto.

Tampouco Irene Trabazo atopou oposición á súa hexemonía entre as mulleres. A de Marin quere chegar no punto alto de preparación á cita do próximo día 14 cando dispute no circuíto do Xaxán a primeira proba de nivel internacional que se celebra en Galicia. En Poio non deu ningunha opción á destacada participación de corredoras que iniciaron a tempada.

O II Trofeo Poio Móvese bateu os rexistros de 2017 e como se presumía tamén algúns case históricos como foi a presenza de 91 participantes na categoría master 40 que xunto aos master 50 foron os encargados de abrir o programa de competición do día. O campión portugués Antonio Sousa entre os 50 e Xacob Agra ( Master dá Louriña) en 40 foron loos mellores neste pelotón e se enfundaron as primeiras camisolas de líderes da Copa Galicia.

A nómina de master 30 alcanzou o medio centenar de participantes e en entre eles reeditáronse os duelos na cabeza con vitoria para Andrés Calvete que esta tempada lucirá as cores do Monte Xalo. Entre os cadetes, Miguel Rodríguez (Ponteareas) foi o mellor do día e Laura Capa (Marín) a máis rápida en categoría feminina.

Polo que respecta aos junior Xoel Montes (Avanza) e Carla Fernández (Meruelo) saen de Poio como líderes da Copa. En todos os actos protocolarios estiveron presentes a Concelleira de Deportes do Concello de Poio, Marga Caldas; o presidente do Poio Bike Club, clube organizador, Francísco Albar e o presidente da comisión xestora da Federación, Juan Carlos Muñiz.

Sen apenas tempo para recuperar, o calendario terá os seus proximas citas o venres 12 en Santiago de Compostela e o 14 en Marin, a primeira será carreira de carácter nacional e o domingo internacional.

 

M5	CICLISTA	EQUIPO	CICLISTA F	EQUIPO
1º	ANTONIO SOUSA	PORTUGAL
2º	JAVIER DE LA FUENTE	NORINVER
3º	MANUEL CASTRO	BARBANZABIKE

 

M4	CICLISTA	EQUIPO	CICLISTA F *	EQUIPO
1º	XACOB AGRA	LOURIÑA	ISABEL CASTRO	CONDADO
2º	ALEJANDRO TRASBACH	RACING CYCLING	MONICA ALARCON	ARCADECYCLES
3º	GUILLERMO ÁLVAREZ	CONDADO	ANITA SÁNCHEZ	MTC

 

M3	CICLISTA	EQUIPO	CICLISTA F *	EQUIPO
1º	ANDRES CALVETE	MONTE XALO	VERÓNICA MONTES	CAMBRE
2º	LUCIANO CARRETERO	CAMBRE	MONTSERRAT MARTÍNEZ	SAERTEX
3º	ALEJANDRO MESIAS	QUINTENA

 

CAD	CICLISTA	EQUIPO	CICLISTA F	EQUIPO
1º	MIGUEL RODRÍGUEZ	PONTEAREAS	LAURA CAPA	MARIN ENCE
2º	SERGIO LORENZO	AVANZA	ZAIRA VILA	CORUXO
3º	ANXO CARRIL	CORUXO	SOFÍA ÁLVAREZ	CAMBRE

 

JR	CICLISTA	EQUIPO	CICLISTA F	EQUIPO
1º	XOEL MONTES	AVANZA	CARLA FERNÁNDEZ	MERUELO
2º	JORGE FERNÁNDEZ	PONTEAREAS	ANDREA GARCÍA	CAMBRE
3º	BORJA LORENZO	FUNDACIÓN	AIDA GONZÁLEZ	MACEDA

 

S23	CICLISTA	EQUIPO	CICLISTA F	EQUIPO
1º	IVÁN FEIJOO	MACEDA	IRENE TRABAZO	MARIN ENCE
2º	ADRIÁN BARROS	PONTEAREAS	ZAIDA GONZÁLEZ	CC ROSAL
3º	PABLO ÁLVAREZ	CAMBRE

 

ELITE	CICLISTA	EQUIPO	CICLISTA F	EQUIPO
1º	ADRIÁN VALVERDE	RÍAS BAIXAS	MARISA MORGADO	PORTUGAL
2º	VITOR SANTOS	PORTUGAL	Mª JOSÉ GÓMEZ	CAMBRE
3º	LUIS FERNÁNDEZ	AVANZA	XOANA MARTÍNEZ	SALVATERRA