Segundos postos para Mila López e Iván Manoel Montero na apertura da Copa de España de ciclismo adaptado

Na localidade manchega de Tomelloso deu inicio a Copa de España de ciclismo adaptado 2019 con dous representantes do C.C. Riazor acadando postos de podio. Mila López rematou segunda en WH4 e Iván Manoel Montero fixo o propio en MH5. 

A especialista baionesa en handbike rematou a 35 segundos da vencedora na súa categoría Beatriu Espuig (Tetrasport). A loita pola segunda posición estivo moi axustada e López superou por 5" á terceira clasificada Eva Moral (Entrenamientociclismo.com).

Máis emocionante aínda resultou o duelo pola vitoria en MH5. Montero xogouse o triunfo ao esprint con Francisco Tamarit (Unlimited Wheels) e ao de Arteixo correspondeulle a segunda praza. 

A vindeira cita desta Copa de España voltará a ser en Ciudad Real, neste caso coa proba de Cuevas de Almanzora (6 e 7 de abril). O certame estatal consta esta campaña de nove  eventos puntuables e o cuarto deles celebrarase o 8 de xuño en Viveiro. 

Máis información