| O xoves Galicia quedará cun réxime de ventos de compoñente norte, con entrada de aire frío durante a xornada. Así, pola mañá agárdanse máis nubes canto máis ao norte, con chuvascos no terzo norte e cota de neve sobre os 900-800 metros. Durante a tarde os chuvascos poderán darse en calquera punto da Comunidade e serán localmente treboentos e ocasionalmente acompañados de sarabia. As temperaturas mínimas quedarán sen cambios ou con lixeiros ascensos, mentres que as máximas sufrirán un moderado descenso. O vento soprará moderado de compoñente norte, con intervalos fortes no litoral. |
