Publicado por: F.G. Atletismo
Ca chegada das datas do Nadal, son moitos os concellos que programan e ofertan unha ampla gama de actividades culturais, sociais e deportivas e que atopan no noso deporte, a mellor maneira posible de despedir o ano.
Como proba delo, é frecuente asistir nos últimos anos a un importante número de San Silvestre e probas de nadal que durante o día 31 – e mesmo en días previos- toman as rúas das vilas e concellos galegos na procura de despedir os 365 días dun xeito deportivo, pero tamén, festivo, lúdico e sobre de todo participativo. Como sempre a tónica dominante é a gran participación de milleiros de persoas que compiten, moitos deles disfrazados e disfrazadas, na procura dun remate do ano o máis atlético posible.
Os seus comezos
Foi no ano 1961 na localidade de Galdácano onde se disputara a primeira san Silvestre datada en España, malia que o evento non tería continuidade, téndose que agardar ata tres anos despois para que un galego, Antonio Sabugueiro, creara unha das primeiras precursoras e unha das máis importantes a nivel mundial – xunto a de São Paulo e a de Nueva York -, a San Silvestre Vallecana.
Desde entón, e xa na nosa comunidade, serían moitas as probas deste tipo que proliferarían co paso dos anos convertindose en todo un clásico para os amantes da ruta nestas datas. Para este ano, e a nivel oficial, contamos cun total de once probas:
- XI San Silvestre Concello de Fene. Fene, 27 decebro
- II San Silvestre de O Pino. O Pino, 27 decembro
- XX Carreira Fin de ano Mugardos-Ares-Mugardos. Ares-Mugardos, 28 de decembro
- XIV Carreira e andaina Popular do Nadal. A Rúa, 28 de decembro
- V San Silvestre de Neda. Neda, 31 de decembro
- San Silvestre Vigo. Vigo, 31 de decembro
- X San Silvestre Ourensá. Ourense, 31 de decembro
- San Silvestre de Santiago. Compostela, 31 de decembro
- VIII San Silvestre de Ordes. Ordes, 31 de decembro
- XXVII San Silvestre Castrelo de Miño. Castrelo de Miño, 31 de decembro
- San Silvestre Naronesa ¨A Trintaeundoce¨. Narón, 31 de decembro
O artigo As San Silvestres fan parada en Galicia publicouse primeiro en Federación Galega de Atletismo.
Enlace con la noticia original: As San Silvestres fan parada en Galicia