A Ruta Rosaliana coroou os primeiros líderes da Copa Galicia de Estrada Máster

Os maillots de líderes da Copa Galicia de Estrada Máster xa teñen os seus primeiros propietarios. Pablo Liñares (Os Esfola Arrós) nos masters-30, Iván Vidal (Arcadecycles) nos masters-40 e Javier de la Fuente (Norinver) nos masters-50/60 impuxéronse nas súas categorías na V Ruta Rosaliana celebrada este sábado en Padrón. 

Un total de 105 corredores, 31 deles juniors, tomaron a saída na proba organizada polo Cortizo-Anova. O primeiro participante en cruzar a liña de meta, tras 75 kilómetros de percorrido, foi Iván Vidal. O máster-40 do Arcadecycles avantaxou en 2" ao pelotón encabezado polo júnior Uxío San Martín (Cortizo-Anova). 

A segunda xornada da Copa Galicia Máster de Estrada disputarase este domingo no Concello de Oroso. O III Memorial Fernando Abad homenaxeará a quen fora presidente do Tambre Bike e que nos deixou mentres practicaba o seu deporte favorito. O bandeirazo inicial darase ás 10:30 horas na Rúa da Cultura de Sigüeiro, onde rematará a carreira despois de terse completado 80 kilómetros. Nesta cita tamén poderán participar os juniors.