Publicado por: F.G. Ciclismo
Este vindeiro domingo 24 de febreiro darase o pistoletazo de saída ao circuíto galego de probas de BTT-Maratón Transgalaica 2019, e farao como vén sendo habitual nos últimos anos en Cerdedo-Cotobade. Será unha edición especial ademais porque será a décima na localidade cotobadesa. A proba comezará ás 09:30 na zona de Carballedo. Espérase unha participación de máis de 450 corredores.
A proba, que está patrocinada polo Concello de Cotobade e organizada pola firma Team Relay, desenvolverase nun esixente circuíto de 62km.
Ademais do máis granado do pelotón galego tamén está confirmada a presenza de ciclistas procedentes doutros puntos de España, sobre todo Asturias e Castela-León.
Entre os favoritos cabe destacar aos vencedores en Carballedo do pasado ano, Javi Busto e Lara Lois, ambos do Extol-A Gramola Team. Con opcións de vitoria en categoría masculina temos a Brandán Márquez e Esteban Sánchez, vencedor do circuíto Transgalaica 2018. Entre as mozas Lucía Vázquez tratará de reeditar a súa vitoria do 2017 en Cotobade.
O calendario de todo o circuíto é o seguinte:
#1 24.02 Cerdedo-Cotobade
#2 10.03 Ames
#3 24.03 A Estrada
#4 07.04 Silleda
#5 28.04 Vigo
Fonte: Transgalaica
Enlace con la noticia original: A Transgalaica 2019 arranca con máis de 450 participantes no X Trofeo Concello de Cerdedo-Cotobade