Publicado por: F.G. Ciclismo
Os corredor padronés Anxo Lorenzo (Cortizo Anova) proclamouse Campión de Galicia 2018 de ciclismo en ruta ao finalizar segundo no Campionato disputado en Culleredo. O vencedor do I Gran Premio Consorcio dás Mariñas foi o seu compañeiro de equipo, o leonés Jesús Nanclares quen non podía optar ao título. Na categoría sub 23, o título foi para Diego González (Froiz)
O club ciclista Cambre Caeiro foi o encargado de organizar esta edición do Campionato sobre un trazado de 118 quilómetros con subida ao Monte Xalo como principal dificultade no perfil da proba. Os ciclistas de Froiz foron os primeiros en tensar a carreira animando a outras escuadras para tratar de buscar a fuga de lonxe. Pero os continuos ataques fracasaban ante o alto ritmo do pelotón que marcou 43,7 quilómetros na primeira hora.
Anxo Lorenzo (Cortizo Anova) era un dos que se animaba a meterse nalgunha desas escapadas deixando ver as gañas de pelexar pola proba. Tería que chegar ao ecuador da carreira, aproveitando a parte dura do trazado, para buscar a meta en compañía do seu compañeiro Nanclares con quen rodaría en solitario a segunda metade do percorrido.
En liña de meta, Nanclares proclamouse vencedor da proba, seguido de Lorenzo, que se alzou co título de Campión de Galicia en Liña. O terceiro posto foi para Jorge Martín Montenegro, completando un novo triplete do Cortizo- Anova no podio, tal como fixese no Campionato de crono catro días antes
A categoría sub23 tamén tivo triplete nas medallas pero por parte do equipo pontevedrés do Súper Froiz. Diego González fíxose co ouro nesta categoría acompañando no podio Carlos Amil (prata) e Daniel Rodríguez (bronce)
Enlace con la noticia original: Anxo Lorenzo (Cortizo) e Diego González ( Froiz) novos campións de Galicia elite e sub23