Adrián Presas, presentado coma novo xogador da UD Ourense

Publicado por: U.D. Ourense

Nun acto celebrado no estadio de O Couto, a UD Ourense presentou en sociedade a Presas, nova fichaxe do clube. O xogador deixou coma titular que non é un héroe, pero que ven para facer algo grande no Ourense.

Presas xa luce ca elástica vermella da UD Ourense. O xogador compareceu ante os medios de comunicación no estadio de O Couto e posou para os compañeiros gráficos coa camisola do seu novo clube. O mediapunta estivo arropado polo presidente, Modesto García e o adestrador, Fernando Currás.

O presidente comezou explicando que “trátase dun gran reforzó, que encaixa na filosofía do club. Moita xente demanda un dianteiro centro ou dianteiro que marque moitísimos goles e o mercado é o é que é e é moi difícil de atopar, pero nós como directiva debemos de mirar mais alá do día a día, do partido a partido, do domingo a domingo. Temos a obriga de dirixir o máis coherentemente posible o clube, pensando tamén a longo prazo, e por iso todo, estase decidindo con calma e con pausa e pensando no futuro do club, na súa estabilidade e na súa solidez. Presas é un xogador que cumple a filosofía do que se buscaba, un xogador de ataque, xoven e nado en Ourense, que ademáis é fillo de Ney, que foi un xogador moi importante en Clube Deportivo Ourense, camisola, que por certo, tamén defendeu Adrián en categorías base”.

Modesto tamén quixo darlle una agarimosa benvida a Adrián e recalcou que é un xogador que cumpre a filosofía do clube. “Doulle a benvida e stou seguro, que suporá un sopro de aire fresco.  Isto son dinámica es imos saír dela, a por todas, e vaise gañar o partido do domingo e a partir de aí, esperar que empece unha serie positiva, que nos leve a conseguir os obxectivos que nos expomos e que non temos que enmascarar, pero que iso non quita que a filosofía é a que é e priorizamos traer xogadores novos e ourensáns e que neles se vexan reflectidos os nenos da canteira.”, apuntou.

Modesto aproveitou para recalcar, que a destitución de Fernando Currás sería algo incoherente.  “Outros poden actuar botando adestradores a primeira ou facendo cousas totalmente incoherentes, pero non son un exemplo para nós. Aínda que teñamos pouca experiencia, o que temos é moito agarimo cara ao club, o que fai que manteñamos esa filosofía, mais alá de resultados esporádicos e de certos momentos de series negativas e iso fai que confiemos desde un principio do que ten que ser este club e en Fernando Currás”.

Fernando Currás tamén quixo dar a benvida a Adrián, sinalando que encaixa a perfección no perfil que se buscaba. “É un xogador que encaixa no perfil que buscamos e aínda que non haxa moitas novidades, a xente ten que entender que nós seguimos traballando para melloralo que temos, pero o que temos claro é que non imos hipotecar a saúde do club a calquera prezo, nin fichar por fichar. Xurdiu a opción de Adrián, que non é nova e cremos que pode mellorar o que temos no ultimo cuarto de campo. Unha das cousas que mais nos convenceu á hora de fíchalo, son as súas ganas de estar, a súa ansia de ser futbolista, e iso valorámolo moito.Xogador ourensán con moito talento, con ganas de triunfar e que achega aire fresco. Non creo que veña coa bitola de héroe. Heroes e super heroes na ficción, él vén a axudar, a sentirse o mais cómodo posible, que é labor noso. É aire fresco para axudarnos a afrontar este último tramo de tempada”.

O xogador comezou agradecendo a oportunidade que a UD Ourense lle está dando e tamén se lembrou do seu anterior clube, o Ourense CF, para o que tivo boas palabras. “custoume bastante deixar o club no que estaba, o Ourense CF, porque me trataron desde o primeiro día moi ben e sobre todo dar as grazas ao presidente Camilo”. Tamén se dirixiu a Fernando Currás dicindo que, “grazas a Fer pola oportunidade que me está dando, e se me dá a oportunidade podemos darlle a volta a isto”.

Presas tamén sinalou que se trata dunha decisión deportiva. “Foi unha decisión só deportiva. Ultimamente non estaba a contar con minutos no meu club, e o primeiro ano en senior vindo da base hai un mundo é difícil adapatarse da base ao fútbol de verdade e ao principio logrei adaptarme e dispuxen de minutos. É certo que agora non estaba a contar con eles, e un profesional o que quere é estar no campo e ultimamente non tiña esa oportunidade e xurdiume a oportunidade e estou moi ben e encantado de vir aquí”.

Tamén quixo recalcar as palabras de Currás. “Non son un héroe, veño a sumar e a facer algo grande con este clube”.

“Todo futbolista quere pasarlo ben competindo porque o podes pasar ben, pero se ao final non consegues o que te propós, non é fútbol para min, pero pódense conseguir os obxectivos pasándoo ben”, sinalou Adrián quen tamén apuntou que “o partido fronte o Campo Lameiro é un pouco urxente pola táboa de clasificación, pero creo que se pode gañar e divertir a todo o público que veña ao Couto”.

Sobre a súa posición comenta que se sente cómodo tanto de mediapunta coma de extremo. “Este ano xoguei mais pegado á banda, pero todo o mundo ten predilección por unha posición e eu síntome máis cómodo detrás da punta, aí polo medio divírtome mais xogando e síntome mais realizado. Decántome por media punta, pero xogarei onde Fer e o corpo técnico decidan”.

Adrián Presas concluiu cun momento nostálxico no que se acordou do seu paso pola base de CD Ourense e mandoulle ánimos a José Manuel Pico, membro da canteira do clube, o que dende o departamento de comunicación do clube nos sumamos. “Foron os meus mellores anos, con Pico, que dende aquí quería desexarlle unha pronta recuperación. Foron uns anos preciosos. A verdade que eu saía do fútbol sala dos Salesianos para chegar ao partido á segunda parte e facer esas dobres sesións xogando en Club Deportivo Ourense e de alí din o salto á canteira do Celta, polo que só teño boas palabras.

La entrada Adrián Presas, presentado coma novo xogador da UD Ourense aparece primero en Unión Deportiva Ourense.